No more Vladiator

Лејкерси деновиве направија еден доста очекуван потег: го ослободија Дивац од обврските кон клубот. Сега тој слободно може да си се пензионира (со пензија од прва група – 5 милиони) и да се посвети на Партизан и кафанскиот бизнис.

Нема потреба човек да арчи зборови за Владиатаорот. Банално е да се појаснува неговото значење за југословенската и европската кошарка. Не треба ни да се споменува неговата улога на лидер во Лејкерси после Меџик, потоа во Хорнетси и секако, неизмерно важната улога во некогашниот тим на Кингси со шампионски калибар. Нема да се заборави ниту неговата улога во популаризирањето на Лигата ширум Европа, а нема ни да се запорави и новата категорија на вештини која тој ја воведе на теренот: глумата против Шек.

Сепак, колку од „симболичко“, Дивац е и од практично значење за НБА.Владе Дивац е единствениот играч покрај Хаким Д Дрим Олајџувон и Карим Абдул Џабар, што кариерата ја завршува со 13000 поени, 9000 скока, 3000 асистенции и 1500 банани. Рамо до рамо со двајцата колоси..

НБА кариерата сепак ја завршува со не толку луксузни, но задоволителни просеци: скоро 12 поена, преку 8 скока, 3 асистенции и скоро 1.5 блокади по натпревар.

Во кариерата како почести ги има примено изборот во првата руки петорка во 1990, и играњето на Олстарот 11 години покасно. Сепак, за неговото име се врзани доста клубски рекорди во тимовите на Лејкерси, Шарлот Хорнетс и Сакраменто.

На репрезентативно ниво, тој беше константен член и еден од столбовите во тимот на СРЈ и подоцна СЦГ во 90-тите, а има и доста медали: европските злата од 1989, 1991, 1995 и светските од 1990, 1998 и 2002, како и олимписките сребра од Лос Анџелес и Атланта.

За крај, со треперлив глас и насолзени очи (океј, не толку татрално) го испраќам у пензија еден од моите кошаркарски идоли, неповторливиот Владе Дивац.

Легендата ќе продолжи да живее.

Линк: Истава статија, неофицијална верзија, бај Каракаш, летоска.