Уште еден добар потег на Спарси

Во пред предсезонскиот период, редовно се потпишуваат агенти, пред се` пацери, номади и трубадури, колку да се закрпи некоја дупка во екипата. Мислам дека како и оваа сезона не се деси ништо посебно, но потег што не ме остави рамнодушен е потпишувањето на Џавад Вилијамс со Сан Антонио. Џавад Вилијамс беше дел од дрим тимот на Северна Каролина, заедно со бр.2 Марвин презимењакот сега во Атланта, бр. 5 Рејмон Фелтон и бр. 13 Шон Меј од Бобкетс и бр. 14 Рашад Меккантс од Минесота. Сега, таман се цела петорка во Лигата. Инаку, Џавад е пристојно високо бекче/ниско крилце , работник, физички силен, атлета, беше трет стрелец кај НЦАА Шампионот Тар Хилс, брз е, скока, куца, набилдан е и знае да се гура, фаќа топки, краде топки, игра одбрана, одличен шутер и пред се`, не е ѕвезда. И покрај сите квалитети (можеби помалку талентиран и помалку ѕвезден од Марвин, ама со позначаен учинок) тој не беше драфтуван. Веројатно беше премногу во сенка на Меккантс на колеџ, но сега кај Спарси ќе има услови за напредок и веројатно ќе го искористи максимално својот потенцијал. А од гледна точка на Спарси нема потреба да зборам - добија солиден млад играч кој покрива на 2. и 3., вешт со топка, борбен и пред се школски играч кој во шемата на Попович ќе улета како џокер. Исто така, со Финли и Вилијамс, јасно е дека ќе му се намали минутажата на идиотот Боуен и дека Сан Антонио ќе игра малце поофанзивно. Исто така, позитивно што Џавад љуби да оди на влез, а има страшни летачки способности (види фотос), па може ќе видиме и некоја атракција през походот по титулата. Единствена маана му е тоа што е премногу подреден на другите и не знае да биде баш лидер. Не е агресивен, но е сепак, еден од моите омилени колеџ играчи, после Вилануева, разбира се.