Wednesday, August 31, 2005

Паметниот момак Јао
Имам една лоша и една (мејби) добра вест за сите навивачи на Лејкерси. Лошата е тоа дека више нема никакви, ама баш никакви шанси Јао Минг да заигра за вас и да стане следниот голем центар во историјата на Лејкерси, а добрата е тоа што со отпаѓањето од игра на Јао, Бас, Купчак и Фил можат да почнат да сонуваат за некои други млади ѕвезди кои ускоро ќе треба да потпишат нови договори (Амаре-2006, Леброн-2007), иако веројатноста да дојдат до нив е минимална, сепак, надежта умира последни, нели? Јао нема да го наследи Шек од едноставна причина што утре (или денеска, ако ова го читате во четврток) ќе биде објавено дека Кинезот потпишал нов договор со Рокетси кој во Хјустон ќе го задржи до 2011 год. Наместо како и секоја ѕвезда да почека дури не се здобие со статусот на ограничен слободен агент, па да си седи дома и да ги разгледува понудите кои сигурно ќе ги имаше едно купче, тој се одлучи уште сега да им покаже верност на "ракетите". Наместо новинарите секој ден да го поврзуваат со друг клуб, да го ставаат во комбинација со друга ѕвезда, да го "облекуваат" во нова 11, тој уште сега докажа дека смета дека заедно со Ти-Мек можат во Хјустон да ги вратат деновите на Хаким. Наместо следното лето да одолговлекува и така да си набива цена, да се замишља бог и да бара се што ќе посака, Минг се одлучи да ги ослободи Рокетси од 226 цм. голема главоболка. Сите овие потези се нетипични за една НБА ѕвезда, но Јао никогаш не ни бил типичен. Тој едноставно не е таков, на работите не гледа како на 99% од НБА играчите. Тој е благодарен на клубот кој веруваше во него и тоа сакаше уште сега да им го докаже. Плус, со ова самиот си ја тргна мувата од капата и го избриша своето име од страниците посветени на шпекулации. Со ова Јао покажа дека е уникатна појава и дека е доволно паметен да сфати дека у Хјустон му е поубаво, и дека со Рокетси у иднина има поголеми шанси да стигне до тронот.

Tuesday, August 30, 2005

Nick the Quick дојава во Аламо
Има ли боље место за некој кого го викаат Nick the Quick од Аламо, престолнината на револверашите од времето на Вајат Ерп, Бафало Бил итд. Ако го прашате Ник Ван Ексел, а и управата на Спарси, нема, затоа што од вчера ветеранот е нов член на шампионот. Ник во приказната за револверашите се вклопува одлично и од еден друг аспект, а тоа е податокот дека тој е втор на листата на активни играчи според бројот на постигнати тројки во кариерата (прв е Реј Ален). Токму тоа беше една од главните прични поради кои Поп се одлучи за него, затоа што ако нешто му фали на шампионот тоа е квалитетна измена за мr.Ева Лонгорија и шут за три. Од Ник ќе се бара да одигра некои 15-20 минути и во тој период да ги искористи удвојувањата на Тим или Ману и да погоди чиста тројка, што тој и тоа како го може. Каква ли промена за Ван Ексел кој од ситуација во која пред само шест месеци изјавуваше дека летово планира да се пензионира, стигна во редовите на шампионот и повторно главниот фаворит за титула. Ова е уште еден одличен потег на управата на Спарси, која искрено не можам да се сетам кога последен пат направила грешка во ангажманот или трампањето на некој играч. Уште поголеми честитки заслужува менаџментот ако се знае дека парите кои му се понудени на Ник не се тие кои се планирани за Финли, за кого Спарси се уште остануваат во игра.

Monday, August 29, 2005

У мртвиов НБА период еве мало освежување во форма на македонски блог кој е посветен на НБА клипчиња, во изведба на Заре (или жаре). Како и секој од нас, така и он моментално ги поминува детските блогерски болести, а блогот полека си добива форма. Слободно кликајте…

Friday, August 26, 2005

Сите чекаат на Финли
Како што секогаш по бурата следи мирно време, така и во НБА по фуриозното отварање на трансфер пазарот со најголемата трампа во историјата, неочекуваното заминување на Џо Џонсон во Атланта и целата сапуница која настана меѓу девете газди на Хоукси, Vegas Baby 2007, , откажувањето на Нетси од Риф и неговиот ангажман кај Кингси, девете прсти на Грин и 18 амнестирани у пет до 12, работите се смирија до тоа ниво да вест на денот стигна да биде трејдот на Џејмс Џонс од Индијана во Феникс во размена за пик од 2.рунда на драфтот 2008. Дека нешто не е во ред покажува и фактот дека главно име на пазарот е Мајкл Финли, кој по клоцата од Далас мирно, во својата соба во еден хотел во Чикаго ги разгледува понудите кои лично досега лично му ги доставија Рајли и Стен Ван Ганди (Мајами), Амаре Стадемаер, Мерион, Џери Коланџело и Д’Антони (Феникс), Попович (Сан Антонио) и Гарнет, Мекхејл, Кејси (Минесота). На пат за Чикаго следната недела се спремаат и некои важни фаци од Детроит и Денвер. Јас лично мислам дека најдобре решение за Финли е Мајами, каде тој ќе биде дел од првите пет (иако нема да игра на својата природна “двојка”, него на “тројка”), ќе биде дел од една од најдобрите екипи на Истокот и во лигата И ќе игра покрај најдоминантниот играч во историјата. Точно дека на Флорида кетово се преселија доста нови играчи и на сите нив ќе им биде потребно време да се уиграат, но и тоа е ипак боље него да мора пак патот до Финалето да го поминува преку Сан Антонио. Што не носи кај Шампионот, кој реално е најпростото решение за Мајк. Но, таму тој нема да биде стартер и заедно со “Bones” Бери ќе мора да ги одмара Ману и Боувен. Велам нема да биде у првите пет, затоа што нема појма од играње одбрана, што е специлајност на Брус и е еден од клучевите на успехот на Спарси. Друга опција за останување на Западот е неговиот прв НБА клуб, Феникс, каде се уште е еден од омилените играчи, каде се уште има куќа, каде пак би играл со Неш и каде би влетал на местата ослободени од Ричардсон и Џонсон. Но, и патот на Санси води преку Данкан и компанија, што и не е баш нешто позитивно, ипак е боље во другата конференција. Што пак не враќа на Истокот, но овој пат кај ланскиот финалист Детроит, кој би сакал да го види Финли како замена за РИП и Принс, но Мајк би сакал да биде стартер, иако Пистонси звучат интересно. Денвер е исто така на списокот, но е последен, затоа што Финли мисли дека со нив нема шанси да се бори за титула (плус, пак е на Западот). Како еден од одлучувачките фактори може да биде и сега екс-газдата Марк Кјубан, кој јавно изјави дека нема да брза со исплаќањето на 51 милиони кои по амнестирањето му ги дужи на Мајк ако овој остане на Западот и му се приклучи на тим кој ќе му биде директен конкурент на Далас. За да биде појасно, газдите на клубовите кои амнестираа играчи немаат обврска веднаш да почнат да им ги исплаќаат сумите кои им остануваат во договорот, тие тоа можат да го одложат и на година-две ако сакаат. - Нешто што ми прави ќејф летово, а не сум го спомнал до сега е тоа што ни еден клуб не го сака Латрел Спривел, барем не за парите кои он мисли дека ги заслужува. Знаете зашто ми е ќејф? Затоа што кога лани Вулфси му понудија тригодишен договор тежок 21 милиони, Спри навреден ја одби понудата јавно изјавувајќи како со тие пари тој нема да може ни семејството да си го одржува велејќи “Како јас со тие пари ќе си ги нахранам децата?” Е, баш да го видам сега како ќе преживее со 7-8 милиони за две години. Кретенот веројатно ќе заврши меѓу Пистонси или Нагетси, зависи од Финли, иако тој би сакал меѓу Лејкерси. - Друг ветеран кој се спомнува у комбинација за Денвер е Ник Ван Ексел, за кој наводно се заинтересирани и Мајами и Спарси, но пак, се зависи од Мајк. - Ете, немајќи за што да се пишува и ја се изнапишав за Финли, кој несакајќи и во немање права ѕвезда на пазарот, стана една од топ-темите ова лето.

Thursday, August 25, 2005

А девет, а десет...
Пред да го напишам текстчево имав еден куп наслови во глава кои вриеа од црн хумор ("Грин на прсти знае да брои до девет"...), но од почит кон тинејџерот (тука негде е генерација со Шепард:) решив да не се зезам, со вака озбилна работа. Уствари, тој и покрај ова успеа да стигне каде што е сега, така да заслужува само почит... Ви текнуе како пред задњиов драфт скоро секој го најавуваше средношколецот Џералд Грин како сигурен топ 10 (некој и топ 5) пик и како едно од најголемите изненадувања на драфтот беше неговиот избор дури како 18.? Е па, цели два месеци покасно полека станува јасно зашто Грин доживеа таков пад во очите на НБА скаутите. Иако не ми се веруваше од прва (а ни од втора, ни трета…), момакот има ДЕВЕТ прсти, да, да, не десет, него девет. Као и ја, сигурно и вие се прашувате како може некој кој му фали прст од десната рака да биде НБА играч, и тоа не било каков, него момак кој е најавуван како новиот Мекгрејди, но ако е за веруваше на сите кои го виделе како игра (добар доказ се неговите партии на летната лига), тоа што му фали прст уопште не влијае на неговата игра. Предност е тоа што повеќе ја користи левата рака, а прстот кој му фале и онака не му врши многу работа на помошната десна рака при шутот. Ипак, уште не ми е јасно како без проблеми води топка и куца со десната рака. Според повеќе извори, Грин прстот го загубил на крајно бизарен начин, уште пред неколку години при едно куцање, кога несреќниот фингер му се закачил во мрежата, по што му горната половина му се одвоила и подоцна не можела да му биде зашиена. Јајкс. Овде имате уште некоја фотка каде може да се види дека нешто му фале на Грин. Ѕирнете ги убаво, зашто и мене не ми се веруваше (и уште не му се верува).

Tuesday, August 23, 2005

SPAM OFF
Poradi spamerite, ja Ofcharo lichno, duri od ladnata Avstrija, se logirav i prezedov represivni i nedemokratski merki. Od sega pa natamu, samo registrirani user-i na Blogger kje mozhat da komentiraat. Lesno se praat akaunti, i ne mora da imate svoj blog. PS Ajde Aaron McKie u Lakers.. ajdeee nova titula! PPS R I P Kenyan :(

Monday, August 22, 2005

Feel good Jay + Amare, anyone?
Пред некој ден Комуналец сe интересираше што моментално се дешава со некогашниот 2.пик на Булси, Џеј Вилијамс, кој по не толку успешната руки сезона имаше тешка сообраќајка со својот мотор по кој не само кариерата, него и можноста пак да застане на нозе беше доведена во прашање. По скоро две години напорна работа пак да застане на нозе, Џеј пред половина година почна и да тренира (со намален интензитет). Ви го ископав линков, кој иако е од пред скоро месец дена , дава убав осврт на се што и се случуваше на некогашната ѕвезда на Дјук. Баш би сакал да го видам годинава пак у НБА и наместо новиот Боби Харли, да направи камек сличен на оној на Грент Хил лани. За илустрација за тоа какви баксузи се Булси, еве ви ја комплетната 1.рунда и попознатитре фаци од втората (Бузер-33пик?) од драфтот 2002 год. Ништо против Џеј, но како можеше Амаре да не биде барем 2.пик, а пред него да бидат избрани папци како Скитишвили, Данливи, Гуден, Вагнер, Нене, Вилкокс!?!?! Round 1 1. HOU Yao Ming 2. CHI Jay Williams 3. GSW Mike Dunleavy 4. MEM Drew Gooden 5. DEN Nikoloz Tskitishvili 6. CLE Dajuan Wagner 7. NYK Nene Hilario 8. LAC Chris Wilcox 9. PHO Amare Stoudemire 10. MIA Caron Butler 11. WAS Jared Jeffries 12. LAC Melvin Ely 13. MIL Marcus Haislip 14. IND Fred Jones 15. HOU Bostjan Nachbar 16. PHI Jiri Welsch 17. WAS Juan Dixon 18. ORL Curtis Borchardt 19. UTA Ryan Humphrey 20. TOR Kareem Rush 21. POR Qyntel Woods 22. PHO Casey Jacobsen 23. DET Tayshaun Prince 24. NJN Nenad Krstic 25. DEN Frank Williams 26. SAS John Salmons 27. LAL Chris Jefferies 28. SAC Dan Dickau Round 2 …32.MIL - Dan Gadzuric, 33.CLE - Carlos Boozer, 34.NYK - Milos Vujanic…40.WAS - Juan Carlos Navarro, 41.LAC – Mario Kasun, 42.MIL - Ronald Murray…50.BOS - Darius Songaila…53.MIA - Rasual Butler…56.SAS - Luis Scola

Sunday, August 21, 2005

Riley - the playa
Ова сигурно не сте го знаеле, но многу малку фалеше најголемата трампа во историјата на НБА во која учествуваа рекордни 13 играчи и пет клуба да не се реализира, и тоа само поради не баш сјајната состојба на колената на главната ѕвезда у целиот дил – Ентоан Вокер. Работите се одвивале вака: Само еден ден по пресот и преставувањето на Вокер, Вилијамс и Поузи, лекарите на Мајами ја откриле сличната работа која ја виделе лекарите на Нетси кога го прегледале Шариф Абдур-Рахим, односно блага форма на артритис на двете колена на Ентоан. Тоа го замислило Раји и останатите фактори во Мајами, кој одиграл паметно и ја искористил ситуацијата да го смени договорот наб ившиот Ол-Стар и од шест години вредни 53 милиони да го спуштин а четири год. тешки 30 милиончиња, со што самиот клуб ќе јаи ма опцијата за задњите две години, односно ако сака ќе го задржи, а ако не, ќе го шутне Вокер. Во овој потег се гледа умешноста и респектот кој го ужива Рајли, кој свесен за обемноста на целиот дил и за тоа дека Вокер по веста за неговите колена тешко ќе добие пари какви што очекува (нешто како Риф), ја искористи целата ситуација и заштеди доста голем дел од селари-капот. Вака, Рајли ќе ја има во свои раце опцијата дали да го задржи Тоан кога овој ќе има 34 години и кога ќе биде многу појасно од сега во каква состојба му се колената. Иначе, интересно е што и покрај таквата состојба на колената, Вокер во своите девет НБА сезони пропуштил само 19 од 706 сезонски утакмици, плус само четири од тие 19 биле поради болки во колено. Можеби колената се истрошиле од просечните дури 38.8 минути во игра во кариерата, којзнае. Сепак, сосема е јасно дека за неговиот начин на игра нема да му преставува проблем состојбата на колената и дека ќе биде и тоа каков фактор во Мајами. Плус, помалкуте пари за него, значат повеќе пари за Рајли во трката по Мајкл Финли. - Кога сме кај Финли, >,Мавси многу не бараа кој ќе го попуни неговото место во ростерот, а покрај за него, најдоа и замена за “соленката”. Има ли подобар град за запознавање со своите нови соиграчи и градење тимски дух од Вегас? Ако ги прашате Вулфси, нема. Само знам дека не би сакал да бидам тој ќе се журка со Марк Медсен. RIP - Kenyan Jones

Friday, August 19, 2005

Е, Капетане, Капетане...
- Не можев да го пропуштам текстов , затоа што секој спомен на Дражен буди многу други спомени поврзани со него и со мојата љубов кон оваа игра. Тој црн 7 јули покрај смрта на кошаркарскиот Моцарт, го памтам и по нешто лошо што ми се случи, но солзите потекоа дури кога татко ми на врата ми кажа дека загинал Дражен…
Ѓаволот ја напушти Атланта
Бруката во Атланта конечно го дочека својот крај , откако Стив “the devil” Белкин се согласи да се повлече од местото во клубот откако останатите осум газди ќе го откупат неговиот дел од тимот. Ова е музика за сите навивачи (ретки) на Хоукси, затоа што не само што се откачивме од типот кој сакаше да го води клубот како што тоа го прави цинцарот Доналд Стерлинг со Клиперси, него по некое време конечно добивме играч кој во комбинација со талентот со кој располагаат Хоукси би требал да донесе подобри времиња во Џорџија. Како што беше најавено и порано, Џо во Атланта ќе игра плеј, негова омилена позиција, но по потреба ќе се префрла и на “двојка” и на “тројка”. Едвај чекам да ја видам петорката со Џо на плеј, ланските дебитанти имењаците Џош, Чилдрес и Смит на два и три, Ал Херингтон на “четворка” и Заза (кој беше лани кај нас у Парк) на центар. Тачно дека нема да имаат ич клупа и дека вријат од неискуство, но тачно е и дека доколку тренерот Мајк Вудсон им ја продаде својата филозофија тие ќе бидат еден од позабавните тимови за гледање и ќе ствараат мисмеч проблеми на противникот на скоро секоја позиција (освен 4 и 5). Како и да е, доаѓаат подобри времиња во Атланта. (полоши од лани не може).

Thursday, August 18, 2005

Sleepy 'Bron
Ако задњево лето НБА ѕвезда која баскет court-от го заменуваше со судскиот cоurt беше Коби, сега таа улога ја има Леброн. Појавувањето на Брон пред судијата е далеку од помпезното и медиумски препокриеното “судење” на Брајант, а доказ за тоа се одличниве фотки на кои јасно се гледа колкави се шанси месијата на Кливленд да го загуби случајот. Не ми се навлегува детално у целиот хаос, затоа што приказната е јасна и се повторува секогаш кога некоја славна фаца е во прашање, а тоа е дека секогаш ќе се најде по некоја крвопија која мисли дека има легитимно право на дел од милионите. Еве ви линк. - Покрај ова, поинтересна вест денеска (покрај тоа што секој поозбилен тим е загреан за Финли, а Мајами и Детроит се у предност) е таа дека Вонземјанинот не сака да изврши лекарски преглед кај Клиперси пред тие да му понудат продолжување на договорот за плус две години. Иначе, договорот на Сем истекува следното лето, а по ова е сосема јасно зошто него и Спривел едвај чекаа да ги избркаат од Минесота. Вулфси сега само можат да се молат ова да не го уништи трејдот за Јариќ и да им го врати назад Кесел.

Tuesday, August 16, 2005

18-те АМНЕСТИРАНИ + ФИНЛИ, БИРАЈ КАЈ САКАШ
Поговорката “Тоа што можеш да сработиш денес, не оставај за утре” никако не се однесува на НБА тимовите. Тие тоа го потврдија и со чекањето буквално до последен час да “амнестираат” некое од своите преплатени имиња, иако тоа можеа да го прават уште од први август. Пред синоќа во 00:00 да истече рокот за “амнестирање”, вкупно 18 тима и официјално се ослободија од по еден од своите играчи за кои мислеа дека не вредат парите кои се фрлаат на нив. Сепак, истите играчи ќе продолжат да си ги зимаат парите од клубовите кои ги откачија, затоа што целата финта во ова ново правило е тоа што таа сума нема веќе да им се рачуна во селари-капот, но ќе мораат и даље да ја плаќаат. Меѓу “амнестираните имаше и некои играчи кои одамна не се дел од клубовите кои се ослободија од нив, како Бејкер, Морнинг, Колмен... кои се уште имаа активни договори со своите екс-тимови. Од сите имиња кои се сега слободни во потрагата по нов клуб најактуелен е Мајкл Финли, кој си го потроши кредитот во Далас (доста дебел кредит од кој му остануваат 51 мил. за следните три години). Со оглед на тоа дека и онака ќе си ги земе парите од Мавси, се очекува во изборот на нова средина Мајкл да не се раководи од финансиски аспект, него од желбата за титула. Ако се земе ова во предвид онда не е тешко да се претпостави кој се наоѓа на неговата листа – Мајами, Сан Антонио, Феникс, Детроит и со помали шанси, Денвер. Како најверојатни дестинации се издвојуваат Флорида и Аризона и тоа поради неколку причини. Можноста Финли да се пресели кај Шек се потврдува со тоа што тренер ќе му биде Стен Ван Ганди, кој таа улога ја имаше и кога Финли играше за универзитетот Висконсин, плус тој и Двејн Вејд имаат ист менаџер. Мајкл би можел и во Феникс затоа што таму пак би играл покрај својот голем пријател Неш, во првите пет би го заменил Џо Џонсон, кој е на пат за Атланта (се надевам), а воедно би се вратил во градот каде и ја започна кариерата. За која и опција да се одлучи, Финли ќе биде на чекор до шампионскиот прстен, мада мислам дека со Санси би бил најдалеку од остварувањето на таа желба. - Кога сме кај Феникс, Санси брзо си најдoa замена за Стивен Хантер кој потпиша со Сиксерси. Ново "сонце" е амнестираниот од Лејкерси, Брајант Грент. Но, Санси изгледа не мислат да застанат на Грент, и покрај Финли се загреани и за Гери Пејтон?!? - Меѓу ослободените се најде и Реџи , кој уште од зимоска изјави дека ланската му беше задња НБА сезона. Пејсерси мораа да го направат ова за да не им се смета во селари-капот и последната година од договорот на ветеранот, пари кои тој и онака ќе си ги стави во џеб. Еве ја комплетната листа од сите 18 тимови кои решија да го искористат “екс-Алан Хјустон правилото” и милиончињата кои со тој свој потег ги заштедија. Далас: $51.8 мил. - Финли Лејкерс: $29.7 мил. - Брајан Грент Њујорк: $23.1 мил. - Џером Вилијамс Филаделфија: $19.5 мил. - Арон МекКи Портланд: $18.8 мил. - Дерек Андерсон Милвоки: $13.2 мил. - Калвин Бут Феникс: $8.4 мил. - Хауард Ајсли Орландо: $8.2 мил. - Даг Кристи Торонто: $8.1 мил. - Алонзо Морнинг Хјустон: $6.35 мил. - Кларенс Ветерспун Индијана: $6 мил. - Реџи Милер Чикаго: $5.4 мил. Еди Робинсон Бостон: $5.2 мил. - Вин Бејкер Детроит: $2 мил. - Дерик Колмен Њу Џерси: $1.8 мил. - Рон Мерсер Минесота: $1.8 мил. - Фред Хојберг Мајами: $1.8 мил. - Весли Персон Мемфис: $1.5 мил. - Трој Бел - R.I.P Александар Гомељски. . Иако припаѓаше на некое друго време, легендата на советската кошарка остави голем траг како на некогашната, така и на сегашната европска кошарка. Има некој меѓу вас кој се сеќава на него?

Sunday, August 14, 2005

Конечно Риф, UFО слета во L.A., Shaq-Punk'd
Верувам дека ова ќе биде задњи пост, барем дури не почнеме да го праиме НБА preview-то за два месеци во кој ќе го спомнеме Шариф Абдур-Рахим, кој бај д веј е рекордер по бројот на појавување на неговата слика во скромната историја на блогов (можеби и Џо е тука негде). Како и секогаш кога некој слепец не може да го види она што се наоѓа пред него, се наоѓа некој попаметен да му го лапне. Така и сега, откако Нетси се откажаа од играчот со кој можеа да им се приклучат на Мајами, Индијана и Детроит на врвот на Истокот, најбрзо реагираа Kingsi кои ич не му се мислеа и го собраа Риф . Со ова нивниот GM Џеф Питри уште еднаш покажа зошто го сметаат за еден он најдобрите НБА оперативци. Тој у само година дена се ослободи од ислучени (Боби Џексон, Остертаг), преплатени играчи (Вебер) и играчи склони на повреди (и Крис и Боби), а донесе свежа крв баш на двете позиции кои им беа најслабо покриени, “двојка” (Бонзи Велс) и “четворка”. Сега, со петорката Биби, Велс, Пеџа, Риф и Милер, Кингси сигурно би требале да играат плеј-оф, па зошто да не и да го освојат Пацифик. Покрај Питри, добра работа викендов направи и Кевин Мекхејл кој во Минесота го донесе Марко Јариќ, а за него во Клиперси го прати Сем Кесел. Малку може да му се забележи на Кевин што се откажа од два идни пика од рунда, но сепак тука Вулфси се во добивка. Со тргањето на Alien меѓу Клиперси , тој откачи еден од двата лански големи проблеми, кои покрај повредите најмногу влијаеа на катастрофалната сезона на Минесота (Спри е другиот). Но, ни на Клипси не треба да се гледа на лузери од овој дил. Тие и онака беа свесни дека нема да го задржат Марко, па за да не останат со празни раце се одлучија на трампава во која добија искусен ветеран на плеј, кој знае што е потребно да се стигне до плеј-офот, нешто што е одамна сон на сите двајца навивачи на Клиперси. Плус е тоа што следното лето му истекува договорот на Сем, таман кога Шон Ливингстон ќе биде позрел играч. - Ви текнуе дека кога беше претставено правилото дека секој тим може да амнестира еден од своите најскапо платени играчи сите тоа ново правило го нарекоаThe Allan Houston rule? Е па, по се изгледа ќе мора да му се смени името, затоа што барем за сега Никси се решени да го задржат Хјустон и во следните три години да им се рачунаат во селари-капот 50 милиони кои мораат да му ги исплатат. Или Ајзеа му нашол нови колена на Хјустон или е ова само уштее ден потег да докаже дека е ужас како GМ. - Шек е задоволен од досегашниот пазар на Мајами, а не заборава да потенцира дека да не беше неговата жртва тешко дека Hеат ќе донесеа (и уште мислат да носат) толку помош за него. Покрај тоа, една од поинтересните вести во САД деновиве е дека на Ештон Качер (не Кајл Корвер) му успеало да го Punk’d-ува Шек. и тоа по само нецели 24 часа откако Дизел му рекол на Кучер дека нема шанси него да го намести како еден куп други ѕвезди на кои им го направил тоа. Ештон имал мала помош од жена му на Шек, но сепак, свака част. - Иначе, бившиот тим на Шек го искористи амнест-правилото и се откачи од Брајан Грент, За кој се заинтерсирани Bulsi?!? . Од ланскиот дил за Најдоминантниот на Лејкерси им остана само Одом. Nice job, Mitch. - Ха, не ја фатив само јас трујачката колумна на чичко Розен. Убаво е да се види дека и остатокот од светот “го почитува” мислењето на Чарли Розен. - Свесни дека не можат да стигнат до Финли или Андерсон, Нагетси ќе се задоволат со Ван Ексел?

Friday, August 12, 2005

ФОСИЛИ ДА ТИ ИМАЛО И У АМЕРИКА
by E.Karakash Најозбилно, ама најозбилно, не сакав да ве запознавам со чичко Чарли, но последниов негов текст стварно ме натера на таков чекор , зашто не ми се верува дека и таму, "преко баре" има новинарски метузалеми какви што има и кај нас. Мислев дека Костовски, Михајловски, типот кој у МТВ дојде од Сараево и што појма немаше од ништо освен шах, Сидоровски, се локални феномени, но изгледа се заебав. Како и нашиве "легенди", и чичко Чарли со години е зрел за во пензија, но затоа што една веќе не толку силна куќа како FOX се уште верува во него, тој и понатаму труе. Паралелата со нашите медиуми е поширока затоа што покрај МТВ има неколку куќи кои ги хранат овие метузалеми, а предњачи Канал5, каде ни младиве момци не се ништо бољи, (што е разбирливо кога ќе видиш кои им се учители). Разликата меќу Розен и нашиве "легенди" е у тоа што него веќе никој во САД не го сфаќа озбилно (иако признавам дека еден во 100 текстови знае да му биде ОК), додека нашиве уништуваат цели идни генерации спортски фанови со нивното "познавање" на модерниот спорт. (Исто како и нашиве фосили, така и чичко Розен бил некад дел од спортската сцена, но за жал (повише наша, него негова), тој денес едноставно не знае што и зашто се дешава у модерниот спорт. Но, благодарение на луѓето во FOX се уште има медиум преку кој ќе ќе ја презентира својата као-стручност.За среќа на луѓето у Америка, таму има и тоа каков ред и традиција у спортското новинарство и голем број како од младите така и од поискусните новинари само се подсмеваат со името на Розен. Во својот последен бисер, чичко Чарли пишува за најпреценетите играчи во историјата на НБА и потенцира имиња како Јуинг, Баркли, Робинсон, Мелоун, Пит Маравич, Џорџ Гервин, Елвин Хејс, Пејтон. Но, ако донекаде се согласуваме за Пејтон, никако не може да се оспори трагата која останативе легенди ја оставиле зад себе. Да биде јасно, ни јас никогаш не сум бил некој голем фан на Патрик, на Адмиралот или на Поштарот, но тоа не значи дека не смеам да им одадам почит за тоа што го направиле во своите кариери, а тоа не значи само бројки, туку и цели градови во кои ја разбудиле кошарката и едно чудо деца кои заради нив почнале да ја играат најубавата игра на светот. Истото се однесува и на Пистол Пит, Хејс и Гервин кои истото го правеле во свое време и кое биле идоли на едно чудо идни НБА ѕвезди кои се појавија во 80-те и почетокот на 90-те. По се изгледа уште тогаш овие легенди го препознале правиот чичко Розен и не му мавале рецка (можам да го замислам Баркли у таа улога:)), па сега Розен сака на некој начин да им се одмазди. Но, не сфаќа дека вака само го потврдува она што повеќето го мислат за него како новинарски метузалем на кого одамна не му е местото во медиумите.

Wednesday, August 10, 2005

ОШТЕТЕНА РОБА
Ме немаше некој ден од едноставна причина – ништо интересно не се случуваше низ лигата. Освен промоцијата на распоредот за новата сезона, со кој Штерн и другарчињата упорно сакаат да ни наметнат некое ривалство Лejкерс – Маjaми, ставајќи ги пак да играат на Крисмас т.е. 25.12.(заедно со реприза на финалето Детроит-Сан Антонио), немаше некој момент вреден за забележување.. Досадата ја разбија Нетси, кои се понесоа "професионално" и се откажаа од трејдот за Абдур-Рахим . Како и што пишавме минатата недела, дилот беше ставен он холд откако Риф не го поминал лекарскиот во Њу Џерси, нешто што ги изненадило и двете страни. По недела дена чекање, Род Торн, претседателот на Нетси излезе во јавност со веста дека неговиот клуб се повлекува од трампата за Шариф, која веќе беше договорена со Портланд. Па што кој *** чекавте недела дена за да го откачите човекот, зошто одма кога не ви го поминал прегледот не му кажавте дека не сакате да го ангажирате? Вака му нанесовте штета да се намали бројот на тимови заинтересирани за него, а дефинитивно му ја скративте шансата да се бори за титула, затоа што пред да се умешате, Мајами беше силно загреан за Риф (Рајли свесен дека нема да дојде до Абдур-Рахим договори трејд со Бостон за Вокер). Но, не е само ова штетата која му е нанесена на Риф, многу поголема е тоа што сега низ лигата на него ќе се гледа како на "ОШТЕТЕНА РОБА", ќе има интерес (Kings?), но никој нема веќе да му понуди договор каков што ќе го имаше во Џерси, договор каков што заслужува. Сепак, ако се погледне малку подобро, оние што губат у моментов всушност се Нетси. Во Шариф тие ќе го добиеа делот кој им фалеше во првите пет, "четворка" која секоја вечер ќе биде околу дабл-дабл од некои 20 поени и десет скокови. Вака им остана дупката на високо крило за која тешко дека сега ќе најдат закрпа. Со Риф, Кид, Картер, Џеферсон и Крстиќ ќе имаа петорка која ќе беше една од најдобрите во НБА, вака остануваат далеку зад Индијана, Мајами и Детроит. Освен пропаѓањето на дилот меѓу Риф и Нетси, она што веќе недела дена ја дрма лигата е хаосот кој се дешава во Атланта. За ова најискрено не ни сакам нешто многу да пишувам,, затоа што како еден од ретките фанови на Хоукси ова многу ме нервира. Баш кога твојот тим е на раб по неколку сушни години да доведе играч кој сака да игра за Атланта и кој за да игра за нив (и за нешто плус кеш) се откажува од тимот со ланскиот најдобар скор во лигата, се јавува еден морон кој сето тоа сака да го фрли во вода само со цел своето име да го гледа секој ден по весниците. Како што објаснив и порано, на чело на Атланта не стои еден газда, него дури девет типчиња, кои се дел од три посебни фирми кои пред две години се здружија да го купат клубот од АОL/Тime Warner. Еден од тие девет, Стив Белкин упорно одбива да даде свој аманет за трејдот, а тоа што баш тој идиот е НБА гувернер ја кочи работата. (Секој тим има по еден гувернер кој е задолжен за ставање потпис на секој дил). Целиот случај дури стигна на суд, преку што останатите осум газди сакаа да се откачат од Белкин и без негово одобрение да ја реализираат трампата за Џо Џонсон. Но, судијата како да му е другарче на Белкин, па денес одлучи дека уствари баш Белкин е во право, а другите осум, плус генералниот менаџер на Хоукси Били Најт, легендата и претседател на тимот Доминик Вилкинс, милиони жители на Атланта и сите нивни фанови не се во право. Сега другите газди спремија нова стратегија да се откачат од Белкин, а тоа е директно да му се пожалат на чичко Дејвид Штерн (како ова не им текна одма, не знам) , кој барем јас мислам така ќе направи се да го дистанцира Белкин од НБА затоа што такви квази-газди само му наштетуваат на имиџот на продуктот кој тој го продава низ цел свет. Од сево ова не губи само Атланта, него и самиот Џо, кој ни крив ни дужен заглави во глупостите на милионери кои се караат за ситни пари. Разврската за целиов хаос би требала да уследи во следниве неколку дена, а до тогаш не ги чепкам Џо и Хоукси (и се молам Белкин да си се врати во пеколот и више никад да не го видиме). "Малку е касно за тоа пријателе" - Белкин му пружа рака на Најт PHOTO UPDATE The real Stiv Belkin...by SLAM

Saturday, August 06, 2005

Вива Лас Вегас
by E.Karakash Неколкугодишната акција на главните фаци во Лас Вегас (како и дел од газдите, пред се браќата Малуф и Кјубан) вродија со плод и “Градот на коцката” 2007 год. ќе ги угости најголемите НБА ѕвезди,што е првпат во историјата на овој натпревар тој да биде одржан во град кој нема свој НБА клуб. Сево ова е голем чекор напред од ставот кој Штерн и другарите упорно го потенцираа последниве неколку години дека Вегас никако не може да се поврзе со НБА како продукт и дека коцкањето (кладењето) се пречката која градот веројатно ќе го чини свој клуб. Но, парите и потенцијалот на Вегас по се изгледа го омекнаа и овој став, затоа што сепак Штерн е бизнисмен, а ретко кој бизнисмен може да си дозволи да не биде дел од еден од најголемите пазари во САД, во што Вегас израсна изминативе десет години. За малку да замачка очи, комесарот изјави дека во игра бил и Њу Орлеанс, но тој сакал лигата да им ја приближи и кон не-НБА градовите, велејќи дека во игра за 2008 или 2009 би можел да се најде и Парис (Штерн додаде и дека за време на Ол-Старот сите казина ќе го блокираат кладењето на овој меч . Иначе, казиното Palms hotel кое е во сопственост на Малуф брадерс, кои се газди на Сакраменто, и онака не прима облози на НБА средби. Но, ова е несомнено чекор кон она што во иднина би требало да уследи, а тоа е НБА клуб со седиште во главниот град на Невада. Како главен проблем за такво нешто се уште е кладењето, кое за разлика од кај нас, во цивилизираниот свет не се прави по кладилници, него по казина или оn-linе. Ниту еден од градовите кои имаат свои клубови не смее во своите казина да прима облози на НБА средби, но ако им е за верување на повеќето сопственици на казина во Вегас, тие за цена на основање франшиза во својот град се подготвени да се откажат од кладењето на НБА. Ова е логично, затоа што се свесни за финансискиот дел кој можат како туристички центар да го ќарат со глобално прифатениот продукт каков што е НБА. Но, ова може да биде меч со две оштрици, како за газдите на евентуално новиот клуб, така и за тие на казината. Прашање е колку од викендашите кои го преплавуваат Вегас во тој период ќе сакаат да се откажат од задоволството на кое што чекале цела недела, или пак колку од пензионерите (ви текнуе као по филмовите, оние кои спијат по апарати) ќе станат од своето коњак место за да отидат на некоја си таму НБА утакмица. Исто така, прашање е колку казината би можеле да загубат од своите муштерии ако тие се одлучат наместо вечерта да ја минат во нивните казина, тоа да го направат на НБА меч. Собирот на "Сите ѕвезди" 2007 е вистинскиот тест за оваа идеја и тој најдобро ќе покаже колку Sin City е подготвен за свој НБА клуб. Идеја зад која веќе застана една баскет легенда, која со се срце би сакала да биде една од газдите на таквиот клуб. Не, не е Мајкл, кој е голем љубител на коцкањето, туку Меџик, кој верува дека на тој начин повторно би се вратил меѓу оние чив збор нешто значи во НБА. Судејќи според сликава, тој веќе почнал да се спрема за таа улога.

Friday, August 05, 2005

Чекална за Шариф и Џо
Иако беа најавени како веќе готова работа, трампите на Шариф во Њу Џерси, т.е. на Џо Џонсон во Атланта се уште чекаат на одобрение на газдите на нивните можни нови клубови. Но, ако причината поради која Нетси не се сигурни за Риф е сасвим логична (проблеми со повреда), тоа што се случува кај Хоукси е права комедија , или за нас малкуте фанови на тимот, траги-комедија. Што тачно се дешава у Џорџија? За да бидат појасни работите, Хоукси не се во сопственост на само еден газда, туку на група газди кои заеднички управуваат со клубот, а петорица од нив имаат и директно влијание врз тоа кој ќе дојде, а кој не. Според извештајите од Атланта, еден од таа петорка , Скот Белкин, не е баш сигурен дека е паметно Хоукси да го потпишат Џо за 70 милиони за пет години, аргументирајќи го тоа како премногу пари за таков играч, плус Борис Дио и два идни пика од 1.рунда. Ова не само што лошо влијае на овој дил, туку и на сите идни во кои ќе се најдат Хоукси кога станува збор за слободни играчи, затоа што ретко кој играч би сакал да си има работа со пет газди, меѓу кои ќе има некој кој не го сака во клубот. Сепак, малку надеж даваат изјавите на другите четворица кои ги убедуваат луѓето во Атланта дека станува збор само за административен проблем кој не би требал да го спречи преминот на Џо меѓу “јастребите”. Ај баш да видам. Што се однесува до Абдур-Рахим, на задолжителниот лекарски пред секој дил докторите откриле незалечена повреда за која не знаеле во Њу Џерси. Веројатно станува збор за десниот лакт кој лани го седан Риф на 22 средби. Нетси сега имаат десет дена да ја завршат трампата, или пак да се свртат кон ново решение на "четворка", како алтернативе веќе се спомињаат Радмановиќ, Сонгаила и Хантер. - Од каде ли им е информацијата на типчињата во "Вест" дека Катино Мобли е "тројка", баш би сакал да знам. Idiotas!
Почна амнестирањето
Само еден ден по започнувањето на преодниот рок тимовите почнаа да го користат ново правило во тазе колективниот договор според кое тие можат да отпуштат некој од своите добро платени играчи, со обврска и понатаму да му ја исплаќаат платата, која пак нема да им се рачуна во селари-капот. Но, првите "амнестирани" не беа Финли, Хјустон, Вебер итд. туку Даг Кристи, кој доби клоца од Орландо и Дерек Андерсон кој беше ногиран од Портланд. Маgic со овој потег за следната сезона ќе заштеди 8.2 мил. кои ќе требаше да ги плаќа како данок на луксуз, а слична е сумата и која ќе ја заштедат и Блејзерси. Овој потег на Орландо става крај на и онака краткиот престој на 35-годишниот Даг на Флорида, каде дојде во текот на ланската сезона од Кингси во трејд за Катино Мобли. Кристи во ниту еден момент не се вклопи во тимот и бргу се отуѓи од своите соиграчи, а недолго потоа и го загуби местото у првите пет, по што како прав професионалец го напушти тимот без да каже на никого каде оди. Но, овие "професионални" квалитети не му ја уништија кариерата и се шушка дека Далас би сакал да го види у своите редови. Местото на Даг, Орландо го попуни со Кион Дулинг. Дерек Андерсон ќе остане запишан во историјата на НБА како првиот играч врз коју било искористено ова ново правило. Но, тоа не би требало да го загрижува 31-годишниот бек затоа што веднаш по веста за негово отпуштање еден куп тимови го контактираа неговиот менаџер. Како плус на тоа, тој и така ќе си ги добие 18.8мил. кои Портланд му ги должи за идната сезона, а главен кандидат за негов потпис се Лејкерси. Веднаш зад тимот од Ел-Еј се Мајами, Минесота и Хјустон. Овој последниов е загреан и за вториот ветеран шутнат од Портланд оваа недела, Ник Ван Ексел. Надежта на Рокетси ја подгрева и изјавата на Ник дека би сакал да живее во Тексас. Но, тука се и Мавси за кои тој беше одличен пред три години и каде се уште е еден од милениците на публиката.

Thursday, August 04, 2005

Гужва у Кинеској четврти
И Кина има свој Обурн Хилс. Ај прво ѕирнете ги фоткиве: Поише имате тука. Изгледа познато, нели? Ова се дешаваше минатиов викенд на турнир во Кина за време на мечот меѓу домаќинот и Порторико. Во извештајот по средбата стои дека тепачката траела три-четири минути, јужноамериканците биле залевани со вода и сокови од пластични шишиња, а не си отишле а да не пробаат и пуканки, у фаца. Сето тоа било зачинето со пцовки на сметка на Порториканците кои ги скандирала публиката. Тепачката наводно почнала кога Ји отишол на положување (јасно е дека Ји не е Порториканец, нели?) при што бил грубо фаулиран од центарот Мануел Нарварез Евентс. Одма потоа Ли и Мо (као у некој стрип) ја напуштиле клупата на домаќините по што настанал невиден хаос у кој не се знаело кој кого мава.Сето ова траело неколку минути по што латино фраерите спасувале жива глава бегајќи во соблекувалните. Баш ме интересира кој колкава казна ќе попие, кој ќе биде кинескиот Рон Артест – Ли, Мо или Ји. …Ако некого интересира мечот го добила Кина со 91-80 цели два часа по масовната тепачка.

Wednesday, August 03, 2005

Ајде сите во Мајами
by Karakash Знам дека реков недела дена без постови, но лудницата која настана на НБА пазарот откако тимовите и официјално можеа да прават трампи, да потпишуваат нови играчи или да си ги задржуваат своите слободни агенти ме разбуди од летниов сон (ако може така да се нарече лежење на +40). Ова е прв пост во пост Shepard ерата , кој којзнае што прави сеа mit Ostereich madchen:). У само 24 часа од отварањето на пазарот се случија едно чудо работи, некои од нив ви ги најавивме уште пред месец дена (Stro, Shareef, Wells, Haslem), но имаше и некои дилови кои беа договорени само неколку часа пред 00:00 меѓу вчера и денес. Најголем бум направи Мајами кој за само неколку часа, преку најголем трејд у историја , во кој учествуваа 13 играчи, се засили со Ентоан Вокер, Џејсон Вилијамс и Џејмс Поузи (или како што у Мак.Спорт го пишуваа Пуси), а за да ги добијат нив се откажаа само од Еди Џонс и уште по некој иден пик. Во ова трио Heat добија осигурување на неколку критични позиции. Тачно дека Еди на почеток ќе им недостига, но Поузи би требал да се уклопи и без проблеми да ја врши задачата за која е најдобар, а тоа е чувањето на противничките најдобри стрелци. Општо познато е дека The White Chocolate не е баш момак кој знае што значи зборот контрола, но во тим во кој се знае кој е газда и во кој ќе има многу повеќе процтор за игра неговиот голем талент би требал да дојде до полн израз. И на крај Вокер. Некогашниот Ол-Стар досега и самиот сфати дека не е тип на играч кој може да биде лидер и прва опција, но токму оваа негова мана го прави совршен за во Мајами. З’ш? Затоа што никој од него нема да очекува по 20 поени секоја вечер, затоа што со своето меко шутче ќе му олесни многу на Шек и ќе ги замисли сите противнички тренери пред да се решат да го удвојуваат Дизелот. "We traded a lot, but we got back three quality players. Antoine Walker is one of the very best multi-faceted, versatile players in this game. ... He is able to handle the ball, pass it, make plays, shoot 3's and rebound the ball. There isn't anyone in this league better at doing that." - изјави Рајли Но, Пет заврши одлична работа не само во засилувањето на својот тим, туку и во олеснувањето на селари-капот. Не смее да се заборави најважниот дил на Рајли, а тоа е потпишувањето на Шек на нов петгодишен договор тежок само 100 милиони. Зашто само? Па затоа што до пред само неколку дена се веруваше дека Дизелот нема да прифати сума помала од 125 мил., но свесен дека со тоа само ќе ги намали средствата за нови имиња, Шек направи голем гест прифаќајќи драстично помалку пари. - Покрај Мајами и најголемата трампа во историјата на НБА, и Њу Џерси со неколку потези стана сериозен кандидат да се врати на местото на кое се наоѓаше пред три-четири години. Нетси преку потпис-трејд дојдоа до Шариф Абдур-Рахим, за кој скоро и да не се откажаа од ништо (иден пик од 1.рунда плус некое милионче). Покрај Риф, Нетси си го задржаа и чичко Клиф Робинсон и им го лапнаа на Кавси Џеф Мекинис кој ќе треба да го одмара Кид, а и да игра по малце и на "двојка". Абдур-Рахим и Мекинис ќе му се приклучат на темелот составен од Џејсон, Картер, Џеферсон И Крстиќ и со право ќе им конкурираат на Мајами, Детроит и Индијана за врвот на Истокот. - Не можам да ви опишам колку сакам Џо Џонсон да заврши у Атланта. Како што стојат работите работата е скоро готова, а за Феникс да не остане со празни раце газдите на Санси се согласија на потпис-трејд од кој ќе го добијат Французинот Борис Диа, плус иден пик од 1.рунда (заштитен) и уште некои 4.9 милиончиња. Моментално има застој у дилот, кој изгледа е само од административна природа (се надевам). Што друго се случи у овие 24 часа : - Како и што беше најавено, Кливленд се засили со Лери Хјуз и Донјел Маршал плус си го задржа Зззззззз. - Сан Антонио потпиша нов договор Роберт Хори, а и му донесоа друштво на Ману во аргентинскиот центар Фабрицио Оберто. - Стро е нова "ракета" - Њу Орлеанс очигледно сака Европјани пошто Хорнетси не само што си го задржаа Боштјан Нахбар, него и го прибраа литванскиот шутер Арвидас Мацијаускас. - Њујорк им го лапна Џером Џејмс на Соникси. - Во Филаделфија си останаа Семи Далемберт и Ештон Корвер. - Вашингтон им го лапна Антонио Дениелс на Соникси. - Шарлот го прати плејот Џејсон Харт во Сакраменто за будучи пик од 2.рунда, па тој пик го пратија во Феникс за центарот Џејк Воскул. - Новиот "крал" Бонзи . - Бостон си го најде својот лепракон во Брајан Скалабрини од Нетси, уште да го облечат како еден и да го стават да им држи среќа позади клупа (и онака нема да им користи многу на теренот). -Мајами си го задржа и Јудонис Хаслем.