Њу Јорк ТитаНик(с)

Не сакам многу да го дрвам за синоешната утакмица, се надевам дека Енко или некој од вас ќе настапи со солидно резиме, затоа што ракијата, кромидот и шарската у мене едноставно ми ги блокираа можностите за перцепција на целата утакмица, кој да напоменам, од време на време колку шо можев да подѕирнам не беше така лоша. Успеав да ја фатам задњата минута, и кога таман помислив дека Њу Јорк конечно ќе тепа, па уште дома, па Френчајз нешто, таман онака си викам ќе ме побијат, ете ги, Капетан Хајнрих и Мајор Гордон им скршија кичма. Може све е дел од некој заговор, ова со Њујорк. Ентони од нашиот пријателски НБА Сорс, има ваква конспиративна теорија. Мојата теорија е поприземна и гласи: - Лери Браун ќе почне да плаче кон крајот на следната недела; - Ајзеа ќе биде начекан од момците од Бронкс, Бруклин и Харлем и ќе го пребијат у некоја темница; - Медисон Сквер Гарден Корпорацијата ќе банкротира; - Медисон Сквер Гарден Арената нема никогаш да се напуни; - Титаник(с) ќе потонат, и ќе бидат првата екипа која ќе биде без ниедна победа цела сезона - ко моите Стечај1 и Стечај2 во Фентази Лигата.

* * * * *

Од другите рабоќе, Коби стана најмладиот до 16 илјади поени во кариерата. Додека да го стаса Леброн. Побитно е тоа што Лејкерси ги тепаа Голден Стејт, а Мамба иако играше со заболени синуси, стаса до 42 поена, 4 скока и 5 асистенции.

* * * * *

После Ол старот, Фили 76ерс се повампирија, а иако сите го фураат Ајверсон за синоќешната победа над Вашингтон (47 поени, 12 асистенции), мој впечаток е дека Крис Вебер не е на ништо пониско ниво со својот Ол Араунд учинок од 30 поена, 12 скока, 8 асистенции и 4 банани.

* * * * *

Шпагети се врати, а Клиперси одма изгубија. Постигна 12 поена у поразот вс. Јута. И Берон се врати, со 10 поена против Лејкерс. Се врати и Џамир Тупак Нелсон со фини 24 поени во поразот од Феникс.

* * * * *

Коа сме кај Феникс, они успеаа да го ангажираат Тим Томас, кој беше избркан од Булси на почетокот на сезоната, а синоќа во своето деби постигна неверојатни 20 поена, со шут 5-8 за тројка, вкупно 7-13. Стив Неш, даде пригодна изјава дека не очекувал од тип што не играл толку дугачко да изигра таква партија. Уше нешто - Борис Дио, пријавен ко петка?!?!?!?! ВТФ?

* * * * *

Hoopshype имаат нов пауер ренкинг, а еве ви нивно интервју со Влад Радманович.

* * * * *

Американците пак имаат проблем со формирање екипа за првенството у баскет. Мајкл Ред и Рашард Луис се првите што одбија покана. Изглеа и ТиМек ќе ги отчаки, пошто не му е нели до кошарка. Ајверсон нема да биде ни поканет, а најверојатно ќе игра Коби, што му е дамнешна желба, али прошлата шанса му пропадна ради „силувањето“.