Неколку битни работи од синоќа

Ја неам НБА на телевизија (смрт за Зора), ама затоа си пратам.. преку клипчиња и сл.

Според тоа што го видов, синоќа се десија неколку работи вредни да заземат место на блогов (плус Мемовата брилијантност, опишана во постот на Енко подоле).

Прво, Мухамед Гасол почна да се диви у клучни моменти! Во исклучително тесната завршница во Филипс Арена, птичурините на Каракаш изгубија у последна секунда – и тоа на шашма, благодарејќи на талентот на Заза Пашулиа. Имено, Мемфис, на –1, се решија да идат преку Мајк Милер за тројка (?!). Овој утна, Пашулиа жив трапав се истепа со Лоренцин Рајт, и топката дојде до Гасол, кој фино лепо си ја положи и стана анлајкли хироу. Инаку солидна партија пружи Шејн Бејтие, со 22-8-5 учинок (милина бројки). Иначе, тек сеа поврзав дека у Мемфис играат двајца добитници на титулата „Руки на годината“ (Гасоламабад и Мајк Милер).

Мо Вилијамс решава утакмица

У Милвоки пак, се случи исто така шашмарско решавање на утакмица. Во самиот финиш - +1 за Индијана и две слободни за Фреди Џонс. Првото го дава, второто го утиња, ја фаќаат Бакс, стасува на половина до Морис Вилијамс, овој ја зима негде до 2-3 метра позади тројка, од таму без размислување пул-ап скок шут, и без коски.. Индијана занемеа, пошто водеа цела утакмица.. иначе, уште една супер партија на Ти Џеј Форд и другарите, а Рон Артест „у затворот“ стварно дигал тегови и ништо друго не праел :)

Трејси Мекгреди пак, се врати порано од очекуваното и тоа одма резултираше со победа на НАСА и тоа на гости кај Нетс. Иако почна со 1 од 9 против тимот на брачед му, Ти Мек се разбуди во второто четвртина, дае од тие неговите луди шутеви, и добпринесе за враќање на самодовербата кај рестото од бандата наречена Рокетс. Статистички, неверојатно – 35 поена, 10 скока, 4 асистенции. По ова за нив битно доживување, Хјустон ги враќам во трката за титулата.

Уште еден од моите пулени за оваа сезона синоќа рокна. Џилберт Аринас, кого при пуна разум и свет го кандидирав за најдобар стрелец сезонава, успешно им ја скрши кичмата на шампионите од Сан Антонио со 43 поена и 6 асистенции. Притоа, има едно 3-4 потези на топ 10 листата за вчера.. особено ми остави впечаток еден влез меѓу буквално цела петорка на Сан Антонио, и завршница ко Џордан. Некогашниот МИП може да стане МВП. Вашингон тепаа со 15 разлика, разбира се.